31 mar 2001 . Actualizado a las 07:00 h.
Xabier Feijóo, da comisión de finanzas, foi quen amosou este programa de novidades no primeiro paso de achegamento da nova edición da festa ós veciños. O Boi naceu no século XIV naquel Allariz medieval, vila rica en historia e en arte, na que non faltaban os artesáns que se organizaban en gremios. Estas agrupacións de xente participaban no acontecemento da procesión do Corpus vestidos coas mellores galas e acompañados polo seu grupo musical. Froito daquel pasado os alaricanos quixeron manter viva esta tradición convertindo a devandita festa nunha das máis senlleiras de Galicia, que reúne nas súas rúas a centos de veciños e forasteiros chegados de tódolos rincóns da comunidade e do resto de España.