A ansia de gañar

María Canosa
maría canosa PINGAS DE CRISTAL

OPINIÓN

GEOFF CADDICK

14 nov 2021 . Actualizado a las 05:00 h.

O outro día lin polas redes un texto dunha nai que dicía que a súa filla quería ser segundo violín, tocar tranquila nunha orquestra sen someterse á presión daqueles que militan en primeira liña. Porque é feliz así. 

É un texto fermosísimo e, ao mesmo tempo, triste e revelador, pois a nai dubida que poida acadar a felicidade dese xeito, pois o mundo non está feito para persoas coma ela. Vivimos buscando ser protagonistas en algo. Oriéntannos para que descubramos, cada vez máis cedo, aquilo no que podemos destacar. Porque, como se adoita dicir, se non saes na foto é coma se non estás.

Iso entristéceme.

Gústame a xente discreta. Algunha acaba por sobresaír irremediablemente, pero... queda moito invisible sen o que o mundo non podería virar.