A historia interminable do xabaril

xacobo feijoo lamas AL DÍA

OPINIÓN

ALBERTO LÓPEZ

29 ago 2021 . Actualizado a las 05:00 h.

A Consellería de Medio Ambiente ven de publicar no Diario Oficial de Galicia unha serie de disposicións coas que se flexibiliza a caza do xabaril en 168 concellos de Galicia durante os próximos meses, como un desesperado intento de conter os máis que previsibles danos que se ven vir nesta campaña de millo causados por eses animais. 

Uns danos no agro galego que suman non menos de doce millóns de euros cada ano nas explotacións de forraxe, aos que hai que sumar os accidentes de tráfico provocados por esta fauna, que xa superan o número de 3.200 cada ano nas estradas galegas.

Independentemente do resultado que teñan estas medidas que se aplicarán en réxime de emerxencia cinexética nos concellos sinalados, estas disposicións non van ao fondo do problema: controlar as poboacións de xabarís, especialmente nas comarcas agrarias con gran presenza de cultivos, e indemnizar de forma xusta aos agricultores e gandeiros afectados.