Vaia feira

María Canosa
María Canosa PINGAS DE CRISTAL

OPINIÓN

J.J. Guillén | Efe

02 mar 2021 . Actualizado a las 05:00 h.

Vaia feira temos montada. Están acontecendo tantas cousas sen xeito... Coma o de Cristina Cifuentes. Fíxose cun máster sen asistir, sen examinarse... e sen ser culpable. Non coma a súa asesora ou profesora, quen tivo a brillante idea, sen que ninguén lle pedise nada, de asinar o aprobado. Elas dúas, condenadas! Estalles ben, por obrigala a aceptar un título.

Seguimos coa estratexia de Casado para evitar falar deste asunto e dos resultados das eleccións en Cataluña. Anuncia con toda a pompa que abandonan a sede do PP, esa da que investigan o financiamento. A onde? Nin idea. Cando? Tampouco se di. Para despistar é suficiente co globo sonda, como se despois non marchan!

Xa despistamos á xente do feito de que, 40 anos despois do golpe de Estado, por fin se retira a última estatua do país dedicada ao ditador Franco. Ollo, coa abstención do seu partido, eh!