As débedas

OPINIÓN

Lucas Figueiredo HANDOUT

08 oct 2020 . Actualizado a las 05:00 h.

Todos os anos gusto de guichar na lista anual de morosos, onde sempre se coa, entre empresas, algún personaxe procedente do mundo do espectáculo ou do fútbol. Este ano asoma en primeiro lugar Neymar e hai outros que recuncan mesmo cunha chulería de vello como é o caso de Mario Conde, afeito a figurar nesta lista da vergonza que ten como acredor ao Estado e, en definitiva, a todos nós.

Cústame moito imaxinar que alguén poida ter a conciencia tranquila debendo esas cantidades tan astronómicas. Por iso, sempre que vexo a lista lembro as miñas tres grandes débedas.

A primeira, a moto que lle ía mercar á miña irmá como compensación polas veces que lle asaltei o peto onde ela amoreaba os aforros.