O perigo dos asintomáticos


Nos últimos días, segundo datos oficiais, a porcentaxe de casos de contaxiados sen síntomas subiu ao 60 %, e en palabras de Jesús Cabrillana, secretario da Sociedade Española de Medicina Preventiva, «sen casos asintomáticos xa acabaría a pandemia (…) O feito de que as posibilidades de desenvolver a enfermidade dunha forma asintomática aumenten a medida que descendemos nos grupos de idade -un 82 % dos menores de 19 anos- fai que os máis novos sexan un vehículo idóneo para o virus, ante a falta de percepción do risco na que poden incorrer». Vimos nas noticias de diversas cadeas que adolescentes e mozos confesan maioritariamente que non usan a máscara e que, se a poñen, quítana nas súas reunións e festas. Segundo Cabrillana, é o habitual : «Se ti dis ‘vou de botellón, pásoo tan ben e a probabilidade de que me infecte non é segura e, se me infecto probablemente pasarei un arrefriado’, pois me vou de festa […] Este é o comportamento que coñecemos non de agora, senón do control da enfermidade infecciosa en xeral».

 

Ante as dificultades de detectar aos asintomáticos e concienciar aos grupos máis novos, Cabrillana conclúe: «Non temos máis remedio que centrar os nosos esforzos en protexer á poboación vulnerable».

Eu creo que dar por feito que non se pode concienciar aos mozos é a mesma postura desas familias que acaban cedendo a todos os caprichos do rei da casa para que os deixe tranquilos. Pero moito me temo que a solución vaia a ser a de confinar aos vellos ata que exista unha vacina eficaz. Socorro, Frau Merkel!

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
20 votos
Comentarios

O perigo dos asintomáticos