O pin da rúa


Entrei no local para comprar unha empanadilla arxentina e tomala á hora de xantar, pero picoume a curiosidade ao oír do que falaban un grupo de mulleres e decidín tomala alí. Senteime nunha mesa á súa beira para oír o que dicían:

-Como vai ser certo, muller! A ti os nenos dixéronche algo? Non? Pois é falso.

-Os nenos nunca din nada. Péganlles no cole e nin llo din á seño para non quedar de acusicas. Debían averigüar o que pasa. Lémbrame o do bulling. Haino e négano.

-Dixeron que os adoutrinan e que lles ensinan xogos eróticos. Iso é grave.

-E ti créelo? Iso dino os de Vox para chamar a atención e sumar votos dos carcas.

-Se é mentira deberían denuncialos, por difamación.

-Se non os denuncian por algo será…

-E o PSOE dicindo que os fillos non son dos país! Non sei quen é peor.

-E que me dicides da «penetración anal aos homes»…

-Pois, mira, se é aos violadores, a min paréceme ben; e que sexa cun pau dobrado.

-Que non é iso, muller! Que é para evitar que sexa o home o que domina, o que penetra sempre.

-Ai que c…! E como vai ser se non? Eles teñen o que teñen, e nós o noso; é o natural.

-Pois eu oín que o do pin, no fondo, é un ataque ao ensino público.

-Tamén din que o PP di o que di polas súas alianzas de goberno con Vox.

-Eu oín que é unha falsa polémica, para evitar que se fale da ministra que lle chamou maricón a Marlaska e agora vai de fiscala xeral, e de todo esa lea de Cataluña.

-E se non todo é mentira? Preocúpanme os nenos.

-Veña, tía, déixao xa… Ala, vamos, que se fai tarde.

A empanadilla arxentina deume dor de estómago… Ou quizá non foi a empanadilla.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
33 votos
Tags
Comentarios

O pin da rúa