Aprendiz de bruxo


A historia rula pola cultura occidental desde a Grecia clásica, con paradas en Goethe, Dukas e Walt Disney: un aprendiz de mago suplanta ao seu mestre, e recita un conxuro para que unha vasoira lle carrete os pesados caldeiros de auga necesarios para a limpeza da casa. Cando a auga comeza a inundar a estancia, incapaz de desfacer o conxuro, parte en dous a vasoira cun machado. No canto de resolver o problema, son dúas as vasoiras que carrexan caldeiros, multiplicando a desfeita.

Hai seis meses, España tiña un par de opcións naturais e claras para formar un Goberno estable. En torno á coalición que propiciou a moción de censura a Rajoy. Ou entre o PSOE e Cs, a máis razoable e compatible coas políticas da UE; que xa se asinara no ano 2015 pero que tras as eleccións de abril sumaba a maioría da que entón carecía. Mais quen tiña que tentalo decidiu conxurarse. Para acadar máis apoios e gobernar en solitario.

A desfeita está á vista: as posibilidades de coalición son menos, e máis complicadas. O PSOE perdeu escanos e capacidade de negociación, ao ter menos socios potenciais e desaparecer practicamente do escenario quen máis fácil lle sumaba a maioría. Como a vasoira, onde había un populismo, agora hai dous. Os independentistas, tamén multiplicados, reforzan os seus escanos. E en Galicia, onde a súa marca local baseaba o discurso cara as autonómicas no feito de ter vencido nas últimas xerais, van ter como pouco que modular esa mensaxe. O mago, ou sexa os electores, reprenderon ao aprendiz. Se este non aprendeu, aquel terá que voltar, como no aprendiz de bruxo para arranxar dunha vez a desfeita…

Por Pedro Puy Portavoz en el Parlamento

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
1 votos
Comentarios

Aprendiz de bruxo