Algo cambia


«Precísase persoa para o servizo doméstico», así o puxemos o anuncio nunha páxina en Internet. Alguén compatíbel cos nosos horarios e referencias. «Valorarase dispoñibilidade para horas extra. Valorarase expresión en lingua galega». E chamaron tres homes interesándose. O primeiro que me veu a cabeza foron as súas mans de home vestindo ás miñas fillas. Tamén hai asasinas de bebés, pensei. É certo que as estatísticas son elocuentes, pero tamén é verdade que a maior parte dos casos de abusos sexuais no fogar non teñen que ver con persoas empregadas senón cos familiares. Cando lle pasei o cadro co calendario de citas ao meu marido, só contestou: «Eu creo que eses tres poden facelo mellor ca algunha das que entrevistamos da outra vez, lembras?» Entre os tres mozos e o meu home me deron unha lección de feminismo que nin Simone de Beauvoir. Sobre todo eles, os rapaces de 20 anos que contemplan entre as súas opcións o servizo doméstico, que se ofrecen a peito descuberto para facer algo que, para moitos, poría en dúbida esa cousa tan española: a hombría. A revolución feminista tamén é dos homes. Precisámolos.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
12 votos
Comentarios

Algo cambia