Ás oito da mañá do 12 de xullo de 1979 produciuse un incendio no hotel Corona de Aragón, de Zaragoza, que causou 83 mortos e máis de cen feridos. Moitos clientes eran familiares dos cadetes da Academia Militar que aquel día recibirían os galóns de alféreces; entre eles a viúva de Franco e os marqueses de Villaverde con dous fillos.
O rumor de que fora un atentado de ETA foi desmentido polo gobernador civil da provincia, Francisco Laína, e polo xefe superior de policía. A versión oficial afirmou que o incendio comezara na freiduría-churrería da cafetería cando se preparaban os almorzos.
Admitir que se trataba do maior atentado de ETA, dirixido, ademais, contra os militares, era demasiado perigoso; e nin sequera a banda o vindicou. A Audiencia Provincial de Zaragoza dictaminou en 1981 que «no resulta debidamente acreditada la perpetración del delito». Sen embargo, en 1990, o Consello de Estado deu aos falecidos categoría de víctimas do terrorismo; e no 2009 o Tribunal Supremo fallou que o incendio tivo tres focos, polo que foi causado por tres persoas. O único por esclarecer é a identidade do «morto 78», enterrado en Barcelona con nome e documentación falsa, que ninguén reclamou.