O rei nu de AGE


Pode ser que David Fernández Calviño sexa un xenio, e por iso fai ben pór a súa xenialidade ao servizo da ciencia. Mesmo pode ser que a súa xenialidade se combinase coa ambición e decidise demostrar que é un superheroe e combinar dous traballos full time distantes entre si 2.700 quilómetros. Tan xenio é que el e Beiras case nos convencen de que, se o seu partido, co resto da esquerda, birlase ao PP a maioría absoluta por un escano, non perderían votacións por un voto extraviado nunha folga de controladores daneses. Os votantes -pensarían os xenios na cúpula de AGE- saben perfectamente que os nosos cabezas de lista teñen o divino don da ubicuidade». E así, de xenialidade en xenialidade, lograron dar a sensación de que a coalición dos indignados só utilizaba a indignación da xente para loitar contra o paro repartindo traballos de parlamentario a tempo completo ata que saíse algo mellor. Total, en AGE imaxinan, na súa sublime intelixencia, que un pode representar aos seus cidadáns vivindo e traballando nun lugar tan parecido a Galicia coma Dinamarca.

Os triunfos electorais fulgurantes adoitan obnubilar tanto o sentido común de quen os vive que esqueceron que os segundos de lista tamén poden ser listos e tamén teñen dereitos, como lembrou esa muller da que ninguén fala, Carmen Iglesias, seguramente a máis lista da coalición, posuidora agora dun escano perdido grazas a tanta xenialidade.

A min, que son escritora e non parlamentaria, paréceme que lles falta literatura. Ninguén lles leu ese conto que definiu tan ben esta caste de políticos: nunha multitude idiotizada sempre hai un neno clarividente disposto a demostrar que o rei vai espido.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
43 votos

O rei nu de AGE