Aprobadiño

O s reitores das universidades rexeitaron o plan do ministerio de subir medio punto a nota para obter becas. Na actualidade, para as becas ordinarias, que cubren o pago íntegro da matrícula, requírense 5 puntos. Para as becas salario, que engaden unha axuda mensual, 6 puntos. A razón exposta polos reitores para rexeitar o incremento de medio punto foi a crise, porque -dixeron- as familias atravesan grandes dificultades económicas.

As becas de estudos foron pensadas para permitir que persoas intelixentes e traballadoras puidesen acceder ao grado superior do ensino e non é a súa función remediar outras carencias. Corenta anos de experiencia docente permítenme afirmar que en España con frecuencia non son os becarios os mellores alumnos e non é raro que un estudante esgrima como argumento para que lle suban unha nota o feito de ser becario, ata tal punto que se converteu nun lugar común a resposta dos profesores para intentar manter o nivel: «As becas son para as notas, non as notas para as becas».

Se queremos mellorar a educación, hai que fomentar a excelencia: que haxa moitas becas, pero para quen as merece por talento e por traballo. Non todo o mundo ten que ser universitario, só os que por capacidade intelectual e por vocación poden manter un alto nivel; eses son os que deben recibir becas.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
65 votos
Tags

Aprobadiño