Os bispos e os nacionalismos


A ÚLTIMA asemblea plenaria da Conferencia Episcopal ven de elaborar un novo documento: Orientacións morais ante a situación actual de España , aprobado por maioría con algúns votos en contra. Os bispos volven denunciar o «alarmante desenvolvemento do laicismo» na sociedade española, aínda que valoran positivamente a democracia e a Constitución. Desgraciadamente, o que moitos consideramos unha das conquistas desa democracia, que é a busca da verdade e a recuperación da memoria histórica de tantos asasinatos inxustamente silenciados, é vista polos bispos como un perigo que reabre vellas feridas.Os apartados 5 e 6 do capítulo III, sobre o terrorismo e os nacionalismos, son os que crearon máis polémica. O terrorismo é considerado «intrinsecamente perverso» e incompatible cunha visión moral da vida. Nada de particular; o problema ven cando, posicionándose nas posturas nacionalistas do PP, dise non só que calquera colaboración cos terroristas e cos que os respaldan é «obxectivamente ilícita», senón que non se lles pode «ter como interlocutor político», en aberta crítica ao diálogo coa ETA do Goberno, co apoio dos nacionalistas vascos e cataláns, para acabar coa violencia. A respecto dos nacionalismos, os bispos recoñecen a súa lexitimidade, pero tamén a «necesaria unidade histórica e cultural de España», que «pode manifestarse de moi diferentes maneiras». Un equilibrio que non nos contentou a moitos; pero compre dicir no seu favor que, polo menos, no documento non entrou o despropósito da unidade de España como «ben moral intanxible», que predica o cardeal Cañizares co apoio de Rouco e que foi duramente criticada por algúns bispos cataláns e vascos. Parece ser que tal equilibrio debeuse a Ricardo Blázquez, presidente da Conferencia Episcopal, e Fernando Sebastián, arcebispo de Pamplona e un dos relatores. Os bispos non poden esquecer a realidade lexítima dunha España plurinacional.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos

Os bispos e os nacionalismos