LA TRIBUNA | O |
06 ago 2003 . Actualizado a las 07:00 h.A SEÑORA, e digo señora xa que dalgunha maneira teño que referirme a ela, non deixa de asombrarnos a todos ca súa desvergonza. Hai mes e medio manifestaba ós medios de comunicación que non permitiría que ninguén lle atribuise publicamente o ter cobrado dalgún xeito a súa vergonzosa e antidemocrática actuación e segue, á día de hoxe, ameazando coa presentación de denuncias e querellas contra quen o faga. Probablemente nunca, nin eu nin ningún dos meus viciños, poidamos atribuírlle públicamente a comisión dun delicto, máis o que non poderá evitar e que a maioria de sarrianos pensemos mal dela. Do dereito a patalexar é dos lexítimos e fundamentais dereitos de liberdade de expresión e pensamento, que seguramente son os que nos quedan, non nos poderá privar; os tribunais protéxennos. Por riba, a Sra Caldas trata de darnos leccións do que é a democracia. O que ela fixo co seu transfuguismo, ademáis de ilexítimo e inmoral, é un fraude á democracia e a todos los demócratas. ¡Pola dignidade de Sarria!