Unha particular Carapuchiña e unha pasarela de moda homenaxearon a Díaz Castro no colexio da Ponte


Lugo / La Voz

O colexio lucense da Ponte realizou unha particular e orixinal homenaxe ao poeta chairego Xosé María Díaz Castro con motivo das Letras Galegas. Entre as actividades que organizou o equipo de Dinamización da Lingua Galega están unha pasarela de moda e unha versión libre da «Carapuchiña Vermella».

Por unha banda, a Pasarela A Ponte consistiu nun desfile de traxe rexional feminino e masculino para dar a coñecer a súa historia, o nome das pezas e os materiais que se empregan na súa elaboración.

Ademais, para os máis cativos organizaron un teatro de monicreques onde os animaliños ían contando detalles da figura do escritor de Guitiriz e da súa obra. Un pouco máis maiores foron os que participaron na representación de «A Carapuchiña estilo A Ponte», unha obra peculiar porque, entre outras cousas, o lobo é bo e quere coidar da avoa, mentres que Carapuchiña xoga coa Wii e recibe whatsapps da nai.

As familias dos alumnos tamén participaron con actuacións musicais e dando a coñecer os instrumentos musicais galegos. Tamén fixeron ao longo da semana xogos para poñer a proba os coñecementos dos estudantes sobre Díaz Castro.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
4 votos

Unha particular Carapuchiña e unha pasarela de moda homenaxearon a Díaz Castro no colexio da Ponte