«Da desfeita temos que construír un rural con esperanza de vivir»


Hai tres décadas que a mestra Alicia López Pardo, que é membro da Mesa Galega de Educación no Rural, loitou man a man coas familias e con varios cregos da Montaña lucense para poñer freo á desfeita social que ían supoñer as «escolas-fogar» que propoñía a administración. Ela é unha das alma máter da publicación Que quede quen o conte, que se edita sen unha periodicidade fixa. «Houbo un momento no que pensamos en desistir, en deixar de publicar o panfleto, porque nos está supoñendo un esforzo grande, e non só económico. Resúltanos moi difícil porque reunimos colaboracións de xente espallada polas catro provincias. Uns están en Santiago, outros en Pontevedra, outros en Lugo...», relata.

-Pero pese ao atrancos seguen adiante...

-Moita xente estanos insistindo en que continuemos, e lamentando que unha publicación así se poida perder.

-¿Cal é o espírito do panfleto?

-Somos críticos coas cousas que van mal no rural, e ao mesmo tempo falamos del en positivo. Pensamos no desastre do país, pero cremos que da desfeita temos que empezar a construír un rural con esperanza de vivir. Estamos moi preocupados pola educación do rural, pola despoboamento... Desde a administración están acabando con todo cunha insensatez absoluta.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
2 votos

«Da desfeita temos que construír un rural con esperanza de vivir»