Festa completa no paraíso do folk na Terra Chá


1Pardiñas volveu ser un ano máis o paraíso chairego das artes e o punto de encontro de milleiros de persoas que gustan da música folk e da artesanía en todas as súas variantes. E a pesares de que o tempo non axudou de todo, a edición 33 deste festival non defraudou aos centos de asistentes, que na xornada dominical se deixaron seducir polas demostracións, as interpretacións e as pezas elaboradas polos artesáns, e pola música de raíz galega de grupos como Zurrumalla ou Chotokoeu, e de aires nórdicos dos polacos Beltaine. E despois de pregoar esta edición do Festival de Pardiñas, o escritor e divulgador da cultura galega en Cataluña Xosé Lois García terá máis argumentos para seguir «vendendo» Galicia en terras catalás.

Máis que folk no Corgo

2Aínda que o festival que se celebra na área recreativa do río Chamoso empezou sendo unha cita de exaltación do folk galego, co tempo foi incorporando outros ingredientes, como a feira de artesanía e a malla popular, que na actualidade son case tan importantes ou máis que a música, como quedou patente na xornada de onte, na que os veciños e foráneos que participaron na malla agradeceron que as temperaturas non fosen moi altas. E como a paraxe se prestaba, despois do traballo tocou disfrutar da comida ao aire libre e descansar antes das actuacións dos grupos Arrincadeira, Amigos da Pandeireta, Remesmus, O Feitizo e Legua Dereita.

Pena de Rodas en festa

3Nunha fin de semana chea de festas por toda a provincia, a música tradicional galega tamén fixo parada onte en Outeiro de Rei, en concreto na área recreativa de Penas de Rodas, na que foron moitos os que acudiron á romaxe organizada pola asociación cultural do mesmo nome, e na que actuaron os grupos de teatro e gaita deste colectivo, ademais de Airiños de Orbazai e o dúo De verano. Non faltaron os xogos populares, as comidas campestres e a queimada, nunha edición que pregoou Alfredo Sánchez Carro.

Blues no campo de golf

4Como manda o verán, esta foi unha fin de semana musical, e non só se deixaron sentir os ritmos folkies. En Monforte houbo noite de blues Blues, bossanova e máis cousas co grupo local Lapanaback. Tocaron no club de golf de Ribas Altas o sábado pola noite. Ía ser ao aire libre, pero o tempo no sur da provincia veu revirado e finalmente tiveron que tocar dentro da cafetería. En aproximadamente unha hora e media versionearon temas de Leonard Cohen, Amy Winehouse ou Tom Waits, e tamén tiveron tempo de tocar algunhas cancións propias.

Banda a cuberto

5Praticamente á mesma hora que Lapanaback empezaba a tocar no campo de golf, a banda de música de Antas de Ulla iniciaba o outro concerto da noite en Monforte. Esta veterana agrupación, unha das bandas de música máis antigas de Galicia, ía actuar na praza de España. A choiva tamén os obrigou a eles a porse a cuberto, así que finalmente deron o concierto no salón de actos da Casa da Cultura.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
1 votos

Festa completa no paraíso do folk na Terra Chá