Un home que fixo e fai país

As asociacións culturais da comarca de Sarria escolleron a Avelino Pousa Antelo como gañador do Ramón Piñeiro


As decisións que adoptan cada ano os membros das distintas asociación culturais da comarca de Sarria cando teñen que escoller a persoa ou institución gañadora do certame Ramón Piñeiro Facer País soen ser bastante consensuadas, pero en poucas edicións o foron tanto coma nesta.

O elixido foi o galeguista Avelino Pousa Antelo e a súa elección non suscitou nin o máis mínimo ativo de debate. Todos estiveron de acordo en que se alguén se destaca por facer país ese é este escritor.

No propio comunicado no que onte comunicaron oficialmente o fallo do xurado en Santiago déixanse moi claros os motivos da decisión ao cualificar ao gañador como «galeguista, docente, cooperativista, escritor, político e animador cultural a prol de Galicia». Con eses méritos queda claro que o 25 de agosto pasado non houbo dúbidas para este nomeamento.

No solemne anuncio do premiado estiveron presentes como é habitual o alcalde de Láncara, Darío Piñeiro; o presidente da asociación Val de Láncara, Carlos López Sierra; o irmán de Ramón Piñeiro, Aníbal; o director do colexio que leva o nome do literato, Xurxo Rodríguez; e o representante da Unesco en Sarria, Jesús Vila.

Os méritos que reúne Avelino Pousa Antelo son moitos, pero como el mismo di nunha cronoloxía persoal na que comeza falando do seu nacemento en A Baña (A Coruña) en 1914, continúa cos seus recordos da mocidade, fala a continuación das súas inquedanzas galeguistas, repasa a súa presenza na peña do Bar Derby en Compostela, pasa pola ilusión do cambio e remata dicindo que «aquí estou, sendo galeguista, presidente da Fundación Castelao, secretario da Fundación Pedrón de Ouro e membro da Fundación Alexandre Bóveda ¡E tamén sendo vicepresidente da Fundación Wenceslao Fernández Flórez».

O seguinte paso será a celebración do acto de entrega do galardón, do que se encarga a asociación Val de Láncara.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos

Un home que fixo e fai país