«A xente necesita ter mitos»


lugo

? historiador Adolfo de Abel Vilela falará este serán de tres personaxes do pasado lucense tan diversos como Octavio Augusto, María Castaña e San Froilán. Tras eles hai algo e moito de mito, invención, historia real e lenda.-De non ser por Octavio Augusto, ¿os romanos chegarían ó noroeste?-Seguro que outro emperador o faría, pero Octavio Augusto foi unha persoa que lle deu estabilidade ó Imperio Romano, ademais de crear unha rede administrativa. A fama ás veces lévana personaxes asociados ás guerras e ás conquistas, como Xulio César, pero hai outros que contribuíron a facer os pobos.-¿Como cualifica a figura de Augusto para Lugo?-Grandiosa, aínda que nunca estivo aquí. Garantiu a pervivencia do Imperio durante varios séculos. Pero tamén foi controvertido, ó ser un dictador, e á vez un home modesto e sinxelo.-No caso de San Froilán, haberá pouca base histórica para definilo.-Hai moito de inventado, máis que de mítico. É real, pero existen poucos datos documentais. Sabemos que naceu e se criou en Lugo, pero o seu traballo pastoral foi principalmente na provincia de León.-E María Castaña, ¿responde ó mito da muller galega contra o poder?-María Castaña é un invento de Besteiro Torres, que elucubrou sobre unha noticia do padre Flores no seu libro En la España sagrada. Sábese que foi unha señora que fixo unha adovación como arrepentimento polos danos ocasionados polos seus fillos, que mataron a un funcionario que recadaba impostos. Torres elevouna á categoría de heroína, ata o punto de incluíla no volume de Gallegos Ilustres. Ademais, María Castaña non era de Lugo, senón de Cereixa, en Monforte.-¿É importante que un pobo teña referentes do pasado?-A xente necesita ter mitos. É importante vivir da gloria do pasado, o malo é inventar personaxes. Lugo ten moita xente destacada, pero á que ninguén presta atención. É o caso de bispo Izquierdo, que reconstruíu o acueducto que volveu traer auga para a cidade; ou Armanyac, fundador da primeira Sociedade de Amigos del País en Galicia. Un ilustrado.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos

«A xente necesita ter mitos»