Celestino Torres foi membro fundador de Coalición Galega, partido no que se iniciou na militancia política. «Nunca estiven afiliado a UCD nin me dixeron que tivera que facelo, e aínda así tiven sempre a súa confianza». Coa nova formación nacionalista, que tiña como alma mater ó empresario Euloxio Gómez Franqueira, creador de Coren, trataban de defender a dignidade e os intereses de Galicia, saldar unha débeda que segundo o seu criterio aínda segue pendente. «Pensaba e sigo pensando que Galicia é unha comunidade maltratada polos poderes públicos que está no vagón de cola cando ten recursos dabondo». A lista de agravios e moi ampla. «O noso caolín explótase en Alemania e o mesmo sucede co granito de Porriño. Pagamos a luz que producimos ó mesmo prezo que en Valencia, pero para nós as súas laranxas son máis caras». Torres e os seus compañeiros de aventura pensaban que os recursos de Galicia estábanse a vaciar sin recibir nada a cambio. E o triunfalismo do Goberno do PP non lle seduce: «Se temos autovías foi gracias ó PSOE e no tren seguimos á cola».