Os centros de ensino tamén se suman ás celebracións do Día das Letras Galegas. No IES Nosa Señora dos Ollos Grandes terá lugar unha sesión de contacontos a cargo do grupo Cozorellos ó saco. Será mañá ás 13.15 horas. O día 22 á mesma hora, Bernardo García Cendán pronunciará a conferencia «O desencontro da lingua galega coa Igrexa». O IES As Mercedes programou varias actividades para mañá: ás 10.30, conferencia de Primitivo Iglesias sobre «A importancia da lexicografía no proceso de Normalización Lingüística»; ás 11.15, exposición de carteis sobre Eladio Rodríguez; ás 11.30, recital de música dos alumnos; ás 12.00, entrega de premios do concurso de marcadores de páxinas; ás 12.10, contacontos por parte de Esmeralda Quiroga e Eva Cabe e as 13.00 horas, actividades lúdico-deportivas a cargo do grupo Bugallo. No Colexio Galén, mañá haberá contacontos a cargo de Ana Carreira; o luns terá lugar un recital de Pilocha; o mércores, haberá contacontos de Sabela e para o venres, día 25, están previstos os diálogos con Bernardino Graña. As actividades previstas para mañá polo Colexio Fingoi son: representación da obra de teatro Conta Eladio, ás 12.00 no Centro Sociocultural, e recital de poesía ás 15.00 horas na sala de usos múltiples do Colexio. Os actos finalizan coa Cántiga de Pondal.