A casa-cortello de Sandiás, un edificio único e enigmático

Ninguén sabe quen é o responsable das antigas inscricións que se ven nas paredes da construción, na parroquia chantadina de Vilaúxe


chantada / la voz

No lugar de Sandiás da parroquia de Vilaúxe en Chantada consérvase unha construcción única e enigmática. Construída no 1878, ten aspecto de vivenda e dun só andar. É única polas súas inscricións, esculturas e ornamentos estruturais, e enigmática porque nin os máis vellos da aldea apenas saben nada sobre o significado desta rara arquitectura.

Na aldea de Brandián, tamén da mesma parroquia que Sandiás, vive Francisco Lovelle Rodríguez, o dono da casa. Pouco sabe sobre a súa historia. só apunta que propiedade dun bistío seu e que estivo habitada ata haberá uns trinta anos, co permiso dos donos, por unha muller hoxe finada, veciña do lugar e con poucos posibles. Estaba xorda e tiña un fillo ao que puido sacar adiante nesa casa que compartía espazos ben divididos con corte, cuarto e lareira. Segundo conta Fidelina López Rodríguez, veciña, esta si, de Sandiás, Un tal Cándido Rodríguez foi o home que a habitara anteriormente. Tiña nela un obradoiro de carpintería, ata que morreu atropelado por un tren nos Peares cando ía buscar o racionamento e gas para os candís.

«

El sol, la luna, la paz»

Situada ao pé da pista que une a vella estrada de Chantada a Castro coa de Chantada aos Peares, ten a fachada orientada ao sul e unha única porta flanqueada por dous grandes e atípicos ventanais e dinteis traballados. Unha cornixa continua amosa inscricións que aluden á data e ás iniciais do seu construtor. «Casa nueba? M.A.R.Z. Edaz 46 años La obra el año 1878».

Nos laterais presenta dúas bandas de brancos seixos, caras e unha cabeza humana no borde do tellado enriba da porta. E, destruída polas pedradas dos rapaces que xa non hai na aldea, unha curiosísima pedra furada a xeito de respiradeiro de despensa ou cheminea na esquina traseira dereita. Nos laterais hai tamén dúas inscricións máis, No lado dereito pódese ler: «El sol la luna la paz. E no esquerdo apréciase claramente a frase «Yo soy el viego de 1878 años». 

Os gravados poden ser de 1878 e nun deles lese «El sol, la luna, la paz»

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
24 votos
Tags
Comentarios

A casa-cortello de Sandiás, un edificio único e enigmático