O chantadino Avelino Seijas Vázquez (1921-1984) exerceu como fiscal na súa localidade natal e en Monforte. Ademais presidiu o Círculo Recreativo Cultural de Chantada entre 1954 e 1956 e é autor de seis ensaios históricos: El santuario regional del Faro (1961), La ermida del Faro y el trovador Xohán de Requeixo (1965), Chantada y el señorío de los marqueses de Astorga (1966), Aventuras y desventuras de Juan Alfonso Varela (1966), Clave heráldica de Galicia (inédita), Historia de Chantada y su comarca (1979) publicado en 1990 pola Deputación e secuestrado ata hoxe. Tamén colaborou con distintos xornais. Algúns dos traballos que publicou no diario El Progreso foron: Monte Faro, Chantada en la historia gótica de Don Servando, Un testamento del siglo X, e Guía del Camino francés en la provincia de Lugo.