Presenta este venres no Ateneo Casino o seu libro "Ribeira Sacra. Origen y evolución de la Denominación de Calidad"
20 may 2021 . Actualizado a las 10:32 h.José Mouriño Cuba presenta este venres en Monforte o seu libro sobre a xestación da denominación de orixe Ribeira Sacra. Recén xubilado, o traballo de José Mouriño Cubo en diferentes postos de responsabilidade como funcionario da Consellería de Medio Rural permitiulle coñecer de perto a viticultura da Ribeira Sacra. No seu libro, titulado Ribeira Sacra. Origen y evolución de la Denominación de Calidad e publicado pola editorial Belagua, relata desde a súa experiencia persoal o proceso de recuperación e transformación da produción de viño desde os anos 80 ata a creación desta denominación de orixe.
A presentación deste libro terá lugar no Ateneo Casino de Monforte, nun acto no que ademais do autor estarán presentes a delegada municipal de Cultura de Monforte, Marina Doutón, o presidente da Caixa Rural Galega, Manuel Varela, e a directora da editorial Belagua, Edurne Baines.
Ribeira Sacra. Origen y evolución de la Denominación de Calidad radiografía o contexto social, económico, político e administrativo do territorio que hoxe integra a Ribeira Sacra, para relatar as dificultades que foi preciso superar para que viticultores e adegueiros se involucrasen naquel proxecto.
A entrada á presentación deste libro no Ateneo Casino é libre, pero é preciso facer reserva previa no teléfono 648 435 033, preferentemente por WhatsApp.
Venres, día 21 de maio • 20:30 • Entrada de balde, pero con reserva • Ateneo Casino • Monforte •