?ntes da inaguración do monumento, celebrouse na Casa de Cultura un acto de homenaxe que foi presentado por Sabela Torres, neta do antigo rexedor. Nesta ocasión tomaron a palabra, sucesivamente, a concelleira de Cultura Alicia Cadarso, e os deputados autonómicos María Xosé Vega, José Tomé e Dámaso López. Nas diferentes intervencións aludiuse ao papel de Celestino Torres como primeiro alcalde democrático de Monforte desde a Guerra Civil, como deputado, empresario e traballador de diversos sectores, incidindo repetidamente no seu carácter dialogante e aberto, na súa «profunda calidade humana» e na súa «lealdade con Monforte». A homenaxe celebrada na Casa de Cultura complementouse con actuacións musicais da Coral Polifónica do Concello, a Rondalla de Benfeita e o grupo Citania.