¿Apoio?


Non hai programa electoral que non inclúa o «apoio ao deporte de base», talvez porque todo o mundo, sexa das siglas que sexa, coincida en valorar a importancia que ten a práctica deportiva desde idades temperás. Pero, por desgraza, na maior parte dos casos o apoio real ao deporte queda nunha declaración de intencións e nunha serie de iniciativas e actuacións illadas.

A práctica deportiva comporta dispoñer da infraestrutura necesaria nun bo estado, e en Ferrol a situación é francamente mellorable. Se os equipamentos «estrela», como o pavillón ou o campo de fútbol da Malata, presentan deficiencias máis que notables -sobre todo o primeiro, cunha iluminación recentemente cambiada tras anos de problemas, uns vestiarios terribles e un parqué que impediu xogar ao Universitario en liga europea e que segue agardando por esa substitución «inminente»-, moitos dos equipamentos «de barrio» adoecen de servizos fundamentais. Campos de fútbol que urxen un cambio na iluminación -Aneiros ou A Gándara-, en estado de abandono -como o de San Xoán, do Sareb- ou que non contan con vestiario para mulleres; instalacións antigas e insuficientes para a práctica de deportes acuáticos -a ampliación da piscina de Caranza nun lateral sería viable e non moi custoso- ou a situación duns pavillóns en FIMO que permitirían desenvolver, xunto co resto de instalacións da Malata, unha gran cidade deportiva á altura que Ferrol merece, forman parte desta lista de demandas. E si, na xestión municipal hai outras prioridades, pero cando se deixan dous millóns sen gastar en investimentos non hai escusa que valga.

Conoce nuestra newsletter con toda la actualidad de Ferrol

Hemos creado para ti una selección de noticias de la ciudad y su área metropolitana para que las recibas en tu correo electrónico. Descubre nuestro nuevo servicio.

Votación
5 votos

¿Apoio?