Acudiron familiares de represaliados, algúns desde Francia
25 sep 2023 . Actualizado a las 05:00 h.O BNG e a Fundación Galiza Sempre homenaxearon á guerrilla antifranquista e ás persoas que lle deron apoio loxístico, «para honrar a memoria de todos os que loitaron contra o réxime e sufriron a súa represión». Acudiron familiares de represaliados, algúns desde Francia.
No acto interviñeron Luis Bará, deputado autonómico; Lucía Veciño, secretaria da Fundación Galiza Sempre; e Iago Varela, portavoz do Bloque en Cabanas, que lembrou que este foi «un dos núcleos de maior resistencia antifranquista, onde moitos fuxidos se valeron das Fragas como refuxio».
Esta xornada reivindicativa contou coa participación doutros colectivos da comarca, como Son Radiofusión, o Ateneo Fernán Martís, Terra, a Fundación Artabria ou a revista Mazarelos. Xuntos fixeron un cortexo cívico con saída da aldea de Xicos (en Regoela), para percorrer algúns dos lugares da memoria da guerrilla antifranquista de Cabanas. Este roteiro estivo guiado por Javier Rodríguez, decano da Facultade de Historia da Universidade de León; Henrique Sanfiz, director de Radiofusión; e Anxos García Fonte, profesora. Rematou cun xantar popular de confraternidade.