Irresponsables


As condutas irresponsables son numerosas. repiten un modelo. Vémolas no Reino Unido, en Suecia -que tiñamos coma sociedade exemplar-, en Barcelona, na Coruña e na rúa Pardo Bajo da nosa cidade... Cal é a causa de tales irresponsabilidade? A sociedade urbana (e somos cidades con millóns de persoas) está desconectada da natureza, de onde vén a auga que bebemos e os alimentos que comemos, e mais está desconectada da rede laboral. Descoñecemos os traballos que fan posible a existencia. Prendes a luz e non sabes de onde veñen os cables. Funcionan os semáforos e non sabes das persoas que traballan para que funcionen, non sabes como reparan a ponte por onde pasas, nin a policía que vixía para que os delitos non superen a cifra do insufrible... nin os camioneiros que todos os días transportan o que comes.

Pregunten se foron ver algún día o encoro da traída da auga. Se saben como é a ría onde viven, o val, os montes... O descoñecemento trae indiferenza e a indiferenza falta de estima e a falta de estima condutas irresponsables. Dúas ignorancias favorecen a irresponsabilidade: a ignorancia da natureza, sen a que é imposible vivir, e a ignorancia do trasmallo social, sen o que deixariamos de existir en poucas horas... A cultura urbana favorece un individualismo ignorante que produce insolidariedade. Cando todo funciona máis ou menos a inercia tapa as ignorancias.

As catástrofes destapan as carencias mentais «multiplicadoras». De aí as condutas irresponsables.

Conoce nuestra newsletter con toda la actualidad de Ferrol

Hemos creado para ti una selección de noticias de la ciudad y su área metropolitana para que las recibas en tu correo electrónico. Descubre nuestro nuevo servicio.

Votación
1 votos
Comentarios

Irresponsables