A Xunta debe dar información


A Xunta demostra unha vez máis a súa incompetencia para solucionar un grave problema do agro. A vespa velutina, a avispiña do castiñeiro, o xabaril, a couza da pataca... Son moitas pestes xuntas que producen importantes perdas económicas, ademais de desanimar a quen traballa a terra ou cría gando de forma profesional ou para autoconsumo. No ano 2015 a praga da pataca apareceu en tres concellos da comarca de Ferrolterra, ao ano seguinte eran xa cinco e en 2017 xa había constancia dela en 31 municipios do norte galego; este ano suma un máis, Muxía. Decretouse a prohibición de plantar durante dous anos e obrigouse a levantar as plantacións de forma precipitada e sen informar á xente como sería debido. Non queremos que iso volva pasar, a Xunta asegura que a praga está controlada e penso que a Administración autonómica debe ir un paso por diante informando puntualmente de cando se vai poder plantar de novo. No caso da couza e doutras pragas, a Xunta ten que apoiar con máis medios o grande labor que fai o pouco persoal das oficinas agrarias. E tamén cubrir as vacantes que existen nestes servizos. Sen profesionais de campo, pouco se pode facer.

Por Manolo Varela de San Sadurniño

Conoce nuestra newsletter con toda la actualidad de Ferrol

Hemos creado para ti una selección de noticias de la ciudad y su área metropolitana para que las recibas en tu correo electrónico. Descubre nuestro nuevo servicio.

Votación
1 votos
Comentarios

A Xunta debe dar información