Prisión preventiva para a parella acusada da morte dun bebé en Canarias

A xuíza do Xulgado de Instrución e Primeira Instancia nº 3 de Puerto del Rosario (Fuerteventura), María Collado, ditaminou onte prisión preventiva sen fianza para a parella de mozos imputados pola morte dun bebé de seis meses, fillo da detida, sucedida o pasado venres. Tras a resolución xudicial, Inmaculada V.G, de 18 anos de edad, e Yeray G.P., de 20, permanecían onte á noite nas dependencias da Policía Local de Puerto del Rosario á espera de que o forte vento que azouta ás illas amaine e sexan trasladados hoxe ao centro penal de Tahíche, na veciña illa de Lanzarote. O bebé faleceu no seu domicilio do barrio do Charco, en Puerto del Rosario, e a súa autopsia desvelou que morreu de forma violenta.

---

---

---