David Fiuza: «Dirixir a Banda de Santiago é unha honra, esta é unha praza de referencia»

Rocío Perez Ramos
rocío ramos LALÍN / LA VOZ

LALÍN

miguel souto

Á fronte tamén da formación de Lalín e, ata hai dous días, da de Lugo, o novo director preséntase este domingo ante o público compostelán

15 oct 2021 . Actualizado a las 00:21 h.

David Fiúza Soto (Vila de Cruces, 1985) é xa, de facto, o novo director da Banda de Música de Santiago. Concluído o proceso de selección para ocupar o posto que de xeito interino asumira Casiano Mouriño no 2016, o seu nomeamento firmarase hoxe.

-Parabéns! Xa o esperaba?

-Si, porque realmente houbo como unha oposición que xa superei a principios de xullo e dende aí xa se sabía, o que pasa é que tardouse en realizarse o nomeamento oficial. Os trámites burocráticos levan o seu tempo.

-É director da Banda de Lugo e da de Lalín e, xa que Santiago sería a terceira, como vai facer?