25 sep 2025 . Actualizado a las 05:00 h.
A Fundación Neira Vilas convoca o IV Premio Arume de Poesía para a Infancia. O prazo de entrega de orixinais acaba o 15 de novembro, nun concurso dotado con 1.000 euros de premio e a publicación da obra por Edicións Embora. Debe ter un mínimo de 350 versos, en forma de poema único ou grupo de poemas, de temática libre e dedicado ao público infantil ou xuvenil. A entrega do premio terá lugar o día 12 de decembro en Gres. Un galardón que honra a memoria e o compromiso de Anisia Miranda e Xosé Neira Vilas coa literatura para os máis novos.