Samaín solidario

do Foxo

Acomunidade educativa do Ceip do Foxo, celebrou o domingo pasado o seu primeiro Samaín Solidario. A iniciativa foi proposta pola Anpa Alecrín ás familias e ao centro e dende o minuto un foi aceptada por todos. É certo que a causa ?axudar humildemente á familia de Berres damnificada polo lume? ben o merecía, pero a Anpa víuse gratamente sorprendida polas reaccións á proposta. Familias que non podían asistir, rapidamente pediron que se recollera a súa aportación, mestres, antigos mestres, antigos alumnos, todos aportaron. Rosa ?nosa profesora de pintura? e Soei Educación contactaron con nós para ofrecerse a facer obradoiros e xogos co alumnado durante a festa. Como en toda festa tiña que haber merenda, e vaia se houbo, as familias trouxeron todo tipo de doces e preparacións para a ocasión; o único que fixemos nós foi o chocolate para mollar a rosca ?gracias Mari?; tampouco tivemos que matarnos a recoller para deixar o noso cole listo para o luns porque foron moitas as familias que colaboraron.

Foi unha velada familiar, divertida e emocionante, como emocionante foi hoxe entregarlle o recadado á familia, que nos amosou o seu agradecemento, nós xa llo transmitimos á nosa comunidade educativa.

Estamos moi agradecidas e orgullosas dunha xornada chea de valores ?cooperación, esforzo, solidaridade? que no fondo é, ao noso parecer, no que consiste a esencia dos «pequenos» colexios públicos do rural. Grazas.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Tags
Comentarios

Samaín solidario