Logo do parón polo temporal, as categorías de base do fútbol da zona retomaron o pulso da competición. En Primeira xuvenil a EF Lalín fíxoo vencendo 2-1 ao Flavia, e situándose no quinto posto da clasificación. O Cruces caeu 1-3 co Oroso e é undécimo. No Grupo-3 de Segunda, o Silleda superou 1-2 ao O Pino e segue líder; o Cogal Rodeiro-Villestro suspendeuse, polo que os de Rodeiro están oitavos. No Grupo-5 o Val do Ulla, líder da táboa, impúxose ao Agolada, o colista, no derbi zonal por un marcador de 6-1.
Cadetes
En Primeira Autonómica o Callobre continúa como pechacancelas do Grupo-3 logo de caer 5-0 na casa do Flavia. O Sporting Estrada empatou 2-2 na cas do Villestro, e sitúase terceiro. No Grupo-5 de Segunda, o Silleda non cede o liderato, e a última vitoria asinouna por 1-0 ante o San Pedro. O Cruces goleou 1-5 ao O Pino, e sitúase sétimo na táboa clasificatoria. No Grupo-7 o Val do Ulla segue á fronte da Liga tras sumar un novo trunfo, desta volta por 5-1 ante o Furia.
Infantís
A EF Lalín lidera a clasificación do Grupo-3 de Primeira infantil con 39 puntos a pesar de caer 2-0 na casa do Val do Ulla. O Spórting Estrada, que descansou esta xornada, segue segundo con 36 puntos, e un partido máis cós lalinenses. O Silleda alzouse coa vitoria na casa do Boiro por 3-4, e ocupa o noveno posto da táboa. No Grupo-6 de Segunda Autonómica o Cruces protagonizou a goleada da xornada, e posiblemente da tempada, ao gañar 1-25 ao San Marcos. Os cruceños sitúanse segundos na clasificación. A EF Lalín B descansou, e sitúase oitavo na Liga. No Grupo-7, o Callobre goleou 11-0 ao Esclavitud, e ocupa o sexto posto da Liga; o Sporting Estrada B é cuarto logo de caer 3-1 ante o Bastavales.
Alevíns
Os resultados da última xornada de Liga no Grupo-5 da Liga de fútbol-7 alevín foron: Sporting Estrada 1-3 Cruces; Bandeira 8-3 EF Lalín B; Silleda 5-1 Callobre; San Mamed 6-2 Silleda B; Callobre B 5-6 Atlético Melide; EF Lalín 11-1 Sporting Estrada B; EF Lalín C 2-5 Cruces B. A clasificación da Liga é: EF Lalín (1º), Cruces (2º), Sporting Estrada (3º), Silleda (4º), EF Lalín B (6º), Callobre B (7º), Cruces B (8º), Callobre (10º), EF Lalín C (11º), Silleda B (12º), Sporting Estrada B (13º) e Bandeira (14º).
Benxamíns
A última xornada ligueira no Grupo-6 de fútbol-7 de benxamíns rematou cos seguintes resultados: EF Lalín B 1-2 Sporting Estrada; Atlético Melide 7-0 Sporting Estrada C; Cruces 3-2 Callobre; Touro 5-5 Val do Ulla; Silleda C 1-8 EF Lalín; Silleda 4-1 EF Lalín C; Sporting Estrada B 6-0 Silleda B. A clasificación da Liga queda: Sporting Estrada (1º), Silleda (2º), EF Lalín (3º), EF Lalín B (4º), Sporting Estrada B (5º), Val do Ulla (6º), Callobre (9º), EF Lalín C (10º), Cruces (11º), Sporting Estrada C (12º), Silleda B (13º) e Silleda C (14º).