08 nov 2006 . Actualizado a las 06:00 h.
A entrega dos premios farase no transcurso dun xantar que se celebrará nas instalacións do Recreo Cultural o día 16 do vindeiro mes de decembro. En edicións anteriores dos premios, o apoio local á normalización lingüística foille recoñecido, entre outros, á empresa Bamarti, Calzados A Esquina, Irmáns Picaño, Radio Estrada, o clube de fútbol Callobre ou o Sporting Estrada. Outros persoeiros premiados pola súa traxectoria vital foron Xesús Ferro Ruibal, Chano Piñeiro, Manuel María, Bernardino Graña, Antón Fraguas, Manuel Reimóndez, Francisco Fernández del Riego ou Avelino Pousa Antelo.