Entrevista | Xosé Manuel Ogando Montes DIRECTOR DA ESCOLA MUNICIPAL DE TEATRO DE LALÍN Chavales dos colexios de Lalín e Goiás actuarán o vindeiro 17 de xuño no Novo Salón Teatro lalinense
10 jun 2006 . Actualizado a las 07:00 h.A Escola Municipal de Teatro de Lalín está a piques de rematar os ensaios nos colexios e institutos cos grupos que se constituiron neste ano. Nas parroquias, a pesares da chegada do verán, as clases continuarán. -Moitos grupos non fan ningún parón. É o caso daqueles grupos que funcionan, por exemplo, na parroquia de Vilatuxe onde contamos con dous e continúan preparando as obras que logo se estrearán a finais de ano. -Agora os que subirán ao escenario son os chavales dos colexios... -Así é. A data será o vindeiro 17 de xuño, a partir das 21 horas, no Novo Salón Teatro de Lalín. Por primeira vez estarán 55 rapaces dos tres colexios; do Manuel Rivero, do Xesús Golmar e da escola de Goiás. No espectáculo de fin de curso haberá maxia e moitas sorpresas. Os pequenos actores estrearán as obras nas que estiveron a traballar ao longo de todos estes meses, podo decir que un rapaz tocará o saxofón e o demáis haberá que ir destapándoo alí, no salón teatro. -¿Que balance fai deste curso? -Foi positivo. Traballouse intensamente, como en anos anteriores e proba delo é que contamos cun centenar de rapaces que asistiron á escola de teatro. En Prado temos tres grupos, no IES Laxeiro hai trinta alumnos...