TRIBUNA ABERTA | O |
20 abr 2006 . Actualizado a las 07:00 h.TIVEN INTENCIÓN de que este pensamento estivese baixo o epígrafe de obituario, pero ben pensado non é para tanto. Antonte martes, na Estrada, por mor dos novos tempos non era "martes de pascua". Era un martes calquera, véspera dun mércores. E para máis inri, un martes no medio do mes. Penso que o comercio en xeral onte non tivo un animado funcionamento da caixa rexistradora. Segundo novas dos xornais a folganza do devandito mecanismo ven de vello. Bótanlle a culpa a ese inexplicable nonnato PXOM que non sei cantos anos leva e segue no útero municipal e que non acaba de nacer. Non sei si iso será verdade, nin o sei, nin me interesa. Quero pensar que a culpa dese martes inactivo só a tivo a reforma do calendario laboral. Dóeme que a vila se deteña no seu normal desenrolo e que o novo comercio estea chamado a caer nas mans doutras xentes chegadas de ben lonxe. Desexo que non se cumpra tal mudanza. Haberá, pois, que buscar novas iniciativas e modernos alicientes para dinamizar e interesar as nosas xentes a que se acheguen a súa vila. Penso que hai persoas que saiban como facelo.