?ecepcionante resultou a xornada para o Val do Ulla, que tras tutear ao potente León caeu derrotado o domingo 1-3 na Baiuca. O plantel Estradense, co seu técnico, José Ramón Fachal, á cabeza, rematou o encontro convencido do protagonismo do trío arbitral no resultado. Na primeira parte o cadro local atou en curto o seu rival cunha forte presión sobre a saída do esférico, ao tempo que se acercaba con perigo á portería leonesa, sobre todo a través das bandas. Foi así como María lle colocou un bo balón a Pati para que esta o mandara ao intererior das mallas da meta visitante á media hora. Mais a auxliar sinalou fóra de xogo. E nada máis comezar a segunda parte, o León fixo o 0-1 con catro futbolistas en fóra de xogo, segundo Fachal, o que motivou a cólera do público estradense. Celsa sentenciou con dous goles olímpicos (de córner directo) nos minutos 50 e 79. Pati transformou o tanto de honra para o Val do Ulla, que a piques estivo do 2-3, cun tiro ao longueiro de Cris a 5 minutos do final.