?ran xornada a do pasado sábado para os dous representantes da Estrada na Liga de Fútbol Veterano de Pontevedra. Tanto Estradense, no Grupo A ou Primeira División, como o Cillero, no B1, saldaron os seus respectivos compromisos con sendas victorias que os aúpan ao cuarto posto das súas respectivas clasificacións. O Estradense derrotou con contundencia (1-4) e a domicilio o Caleiro de Vilanova de Arousa, un dos equipos máis frouxos da súa categoría como demostra o seu cuarto posto pola cola da táboa. Pola súa parte, o Cillero-Martínez Otero superou en casa 3-2 o Atlético Seixo Galisur, penúltimo clasificado cun só punto en catro xornadas. Esta fin de semana o Estradense recibe o potente Mecos, colíder do Grupo A con 10 puntos, e o Cillero visita o Samieira, na metade da táboa.