Publícase en galego e castelán o poemario co que gañou o premio Afundación no 2019
07 dic 2020 . Actualizado a las 00:06 h.Con Os filósofos non brindan con cicuta, o escritor e xornalista de La Voz Miguel Sande (Pastoriza, Arteixo, 1961) acadou o premio de poesía que convocan Afundación, o Centro PEN e a Xunta. Ademais da edición da obra na colección Arte de Trobar, o poemario estrea hoxe unha nova edición, bilingüe en castelán e galego, da man do selo Cuadernos del Laberinto.
Trátase dun libro na que Sande buscou a sinxeleza por riba da retórica, un proceso que lle esixiu un longo tempo de reflexión e de escritura e reescritura dos versos. «Non busco a poesía retórica, nin o difícil, senón o sinxelo, e aí optei por unha lingua coloquial», describe o autor. Xa que logo, o rexistro é espello tamén das inquietudes que aborda o libro, que se move entre o filosófico e o cotián. «Falan de cousas da vida, do día a día, pero buscándolles a profundidade. Todas as cousas a teñen», subliña Sande.
Esta edición bilingüe incorpora tamén nos paratextos as lecturas que fixeron do poemario Eva Veiga e mais Pilar Pallarés. «Me ha emocionado y me ha regalado otros ángulos de visión, perspectivas que me ayudan a mirar de nuevo el mundo. Con este libro tengo esta sensación: que miro la realidad de nuevo y eso me parece impagable», escribe Veiga. «“Hendir de un impulso la verdad en ti mismo y mirar”. Ahondar. Ver cómo si fuera la primera vez, como si nunca antes hubiese caído la nieve. Observar el lento y constante avance del desierto. La vejez y las cajeras de un supermercado de extrarradio, jóvenes buscando un norte, aguas muertas con la noche en su centro, ausencia blanca», é o que escribe á súa vez Pilar Pallarés.
Sande, xornalista tamén de oficio, advirte que moitos dos temas do seu libro tamén aparecen a diario nas noticias: o trato aos maiores ou as familias desestruturadas, por exemplo. Cuestións que acaban por confluír nunha obra na que o poético sempre está de fondo, mesmo cando Miguel Sande escribe nos xéneros da narrativa ou do teatro.