Daniel Rocha é o propietario de La Revolución de los Graneles, na avenida dos Mallos, a primeira tenda coruñesa de venta de produtos de limpeza a granel que promove a redución do uso de envases de plástico.
-Como funciona a tenda?
-A xente adoita traer o seu bote e enchelo co noso produto. Se non tes bote, nós adoitamos ter, porque moita xente nos deixa na tenda os que lle sobran.
-Por que decidiu abrir esta tenda na Coruña?
-Nunha cidade tan orientada ao mar valórase moito unha tenda deste tipo. Eu fai dous ou tres anos comecei a reducir plásticos e vin que había xente con falta de ferramentas. Iso comprobeino agora que abrín a tenda, porque moita xente non sabía como facer para reutilizar os plásticos de limpeza.
-Como é agora o perfil do voso público?
-Nós aquí temos a xente moi involucrada co tema que vén de lonxe, pero tamén temos persoas do barrio que non teñen unha grande preocupación por isto. A filosofía da nosa tenda é que podes ter unha conduta ecoloxicamente responsable sen traballo e sen que custe de máis. Non queremos que estes produtos sexan de luxo. Nós queremos ser ante todo accesibles.