O paseo fluvial de Vimianzo


Neste xa casi rematado mes de agosto aproveitei para contemplar, ás escapadas, o ritmo das obras de ampliación da senda fluvial de Vimianzo. E coma outra moita xente, sempre que puiden, aproveitei tamén para percorrer xa o paseo actual case ao completo, que co flamante novo estirón e demais accesos novos suma xa preto dos 1.500 metros de lonxitude.

Pálpase que unha obra, un servizo coma este, é dos que todo veciño e veciña, de calquera idade e condición, valora e aprecia dun xeito especial, que case todos acabaremos desfrutándoo con asiduidade, e que ata moitos e moitas o farán diariamente.

Camiñar e descanso

O novo tramo construído deica A Ponterroda non só invita a camiñar ou pasear serpeando a carón do río e da súa vexetación de ribeira, senón que invita tamén ao descanso, e canto máis na medida na que se adecúen e rematen integrados no paseo importantes espazos coma os terreos adquiridos recentemente polo concello e os que ocupa a vella depuradora...

Sen dúbida, esta senda fluvial e a súa contorna converteranse para moitos de nós no noso imán máxico diario para un lecer saudable, e para o benestar colectivo.

Que ben por esta obra, que de seguro terá novos estiróns. Que ben por nós, os veciños e veciñas que podemos desfrutala a tope.

Noraboa ao goberno municipal polo pleno acerto nesta excelente e fermosa iniciativa do paseo fluvial.

A inauguración do paseo fluvial está prevista para mañá, ás 20.30, na Braña do Cura

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
18 votos
Tags
Comentarios

O paseo fluvial de Vimianzo