«Sorpréndeme ver a reacción dos máis pequenos»

Visita hoxe Vimianzo con «Miña casiña meu lar» e o luns e o martes estará en Cee con «Contando en feminino»


A loita contra a violencia de xénero está moi presente nas dúas propostas coas que a actriz Ana Hermida, da compañía Lisístrata, percorrerá nos próximos días a Costa da Morte. Esta tarde visitará Vimianzo (Casa da Cultura, 21.30 horas, entrada gratuíta) para dar vida en solitario aos textos de Darío Fo que forman Miña casiña, meu lar. E o luns e o martes visitará aos escolares dos distintos centros de Cee (Casa da Cultura, horario matinal) no marco dos actos do Día internacional contra a violencia de xénero con Contando en feminino, un espectáculo pensado para promover tamén a igualdade.

-¿En que consiste o espectáculo de hoxe?

-Eu simplemente poño voz a unhas palabras marabillosamente escritas por un premio Nobel, Darío Fo, que xunto coa súa muller, Franca Rame, dedicou moita da súa vida a un teatro social e comprometido prestando gran atención á muller porque Franca sufrira nas súas carnes a violencia e todo iso o levou a escena. Eu tento ser bastante fiel a o que ela fixo e ao que el escribiu. Interpretarei dous monólogos teatrais para que o público vexa a distintas maneiras sutís nas que a violencia se amosa no fogar.

-Pero tamén cun toque de comedia. ¿Como se consigue facer iso cun tema tan duro?

-Coa palabra do premio Nobel; consígueo el. Eu, moi humildemente, tentarei poñerlle parte de min, pero o mérito é todo de quen o escribe. O propio Darío Fo dicía que saes do espectáculo rindo, pendo tamén che fai pensar. Eu levo unha temporada facendo moitas actuacións en colexios e sorpréndeme ver a reacción dos pequenos, sobre todo por parte das nenas. Saben o que está ben e o que está mal e non teñen estereotipos asumidos.

-¿E calla a mensaxe?

-A día de hoxe cando fago A miña casiña, o meu lar, ao rematar hai quen me di: ‘e que as levou porque quixo’ ou ‘ a min danme unha, pero non me dan máis’, e eu intento dicirlles que a xente que está inmersa nunha situación de violencia non é consciente desde dentro. Por iso, a importancia da xente que está ao seu redor. Eu sempre lle digo a todos que o importante é contalo porque é tristísimo que se chegue aos extremos que se están chegando sen que pase nada.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
1 votos
Comentarios

«Sorpréndeme ver a reacción dos máis pequenos»