Autobuses


Pensabamos moitos hai tempo que os buses de liña na bisbarra acabarían desaparecendo. Ou esmorecendo. Non había que ser moi listo para prevelo: cada vez menos usuarios, máis coches particulares, menos liñas activas, máis marquesiñas oxidadas ou destrozadas e sen reposición. Novos hábitos de vida, outros costumes, xente moza que ve o autocar como unha rémora do pasado que se quere deixar atrás. O nome dos buses forma parte de moitas memorias e moitas xeracións: o Castromil, o Celta, o Calpita, o Finisterre. Para moitos, o autocar de liña é o Finisterre, sen máis. Aínda lle chamamos así. Tal e como van as cousas, non me estrañaría nada que recuperase o nome. Xa foi Arriva e deixou de selo, foi Vázquez e deixou de selo, e agora Arriva de novo. Moita ilusión me facía ver os buses típicos de Londres, os vermellos de dous pisos, coas letra Arriva: mira, como os nosos.

Os Finisterres non eran épicos, pero neles fixéronse moitas historias. Ambulatorios, feiras, o Juan Canalejo, os dos obreiros ata Sabón ou A Grela, os institutos. Os condutores eran casi veciños, eu aínda lembro o nome de tres dos anos oitenta. Coñecías xente, facías comarca falando cun de Fisterra ou de Camariñas. A vida era outra.

E non. Os autocares resulta que non morreron. A Xunta volve a impulsar o transporte público, con algunha liñas nova e a opción (por agora, só unha, a ver se chegan máis) de empregar os buses escolares para moverse. Veremos que pasa, non vexo aos rapaces novos moi dados a isto, pero xa sei de grupiños que se moven entre Carballo e A Laracha para quedar, ou usan a tarxeta metropolitana. Quen sabe, todo dá moitas voltas.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
5 votos
Comentarios

Autobuses