Ambas entidades veñen de dar a coñecer a súa programación para as vindeiras semanas
14 mar 2026 . Actualizado a las 05:00 h.Fundación Eduardo Pondal e A Casa da Muller veñen de dar a coñecer unha diversa programación para abril. Xunguirá educación en igualdade, dinamización cultural, valorización do patrimonio e reflexión sobre o futuro do rural. Nas actividades colaboran a Dirección Xeral contra a Violencia de Xénero, a Fundación Artesanía de Galicia, a Consellería de Medio Rural, o Concello de Ponteceso e a Deputación da Coruña:
30 e 31 de marzo, 1 e 2 de abril • Escola e Campamento pola Igualdade, no cámping Lago-Mar (Muxía).
11 de abril • Días Europeos da Artesanía, esta edición dedicada á cestería a través da entidade O Son das Varas.
15 e 16 de abril • Na aldea do Couto, Ponteceso, encontro do proxecto de cooperación Nova Economía para a aldea do século XXI, con representantes de aldeas de Asturias, País Vasco e Galicia.
18 de abril • Actividade centrada na arte relixiosa, baseada na tese de investigación do docente Félix Neira. Percorrido por diferentes parroquias —Brantuas, Niñóns, Pazos ou Tallo—, achegando este saber á cidadanía.
20 de abril • Rosa de Abril, un recital poético en tributo á poetisa Carme de Pardiñas. Versos e memoria literaria.
25 de abril • Saída cultural a Outes e Noia, con parada na igrexa de San Campio, achegamento á carpintería de ribeira e aos sancosmeiros, así como visita á vivenda natal de Francisco Añón.
E ademais... • Todo o mes, de luns a venres, seguirán as actividades da Casa da Muller, igual que continuarán os sábados as Aulas Científicas e Tecnolóxicas Isidro Parga Pondal, así como o Curso de Monitorado de Tempo Libre.