Está en marcha, en Carballo e noutros municipios da Costa da Morte e provincia, esta campaña de apoio á investigación
08 feb 2026 . Actualizado a las 05:00 h.Dende este pasado venres, e ata o 15 de febreiro, está en marcha a sexta edición da iniciativa solidaria La compra de tu vida, impulsada dende a Asociación Española contra el Cáncer (AECC). En Carballo, voluntarias da xunta local estiveron na mañá de onte nos Familia da Milagrosa e o centro, nos Gadis da Milagrosa e o centro comercial, e tamén no Alcampo para dar a coñecer esta campaña que permite aumentar o tique final da compra dende un euro para así colaborar coa entidade. A contía que se entregue irá destinada a incrementar o apoio, prevención e investigación da enfermidade, así como a impulsar un modelo de atención integral baseado na humanización. Todo iso élle contado aos interesados polos voluntarios, 120 na provincia. É unha iniciativa que tamén se está levando a cabo nos municipios de Cee, A Laracha, Fisterra e Zas, no caso da Costa da Morte. Quedan aínda unhas xornadas, pois, para sumar un gran de area.