Chegou o día: así será a festa dos Premios Galegos da Regueifa en Carballo
CARBALLO
Un documental e a gala no Pazo farán deste 10 de xaneiro a gran xornada da improvisación oral na comunidade
10 ene 2026 . Actualizado a las 05:00 h.Chegou o día. Como cada sábado despois de Reis dende hai xa cinco anos, en Carballo é día de Premios Galegos da Regueifa. Catorce regueifeiros e regueifeiras farán desta localidade, e de Bergantiños, a capital da irmprovisación oral. A xornada irá así:
12.00 horas
Documental. Na biblioteca Rego da Balsa, ás 12.00, proxección de «Ao son da nova regueifa». Pequenas intervencións de Xosé Ameixeiras, Manuel Maseda e Daniel Pérez. Microrregueifa con Suso e Lupe.
18.00 horas
Premios Galegos. Xa no Pazo, con portas abertas dende as 17.30, ata encher aforo. O primeiro apartado, exhibición de Escolas: Roi e Xoel (Escola Semente) e Leo, Candela, Sabela, Xan, Marité, Amalia, Pedro, Celtia, Gael e María (Escola Carballo).
O xurado. O equipo de valoracións estará integrado por Manuel Maseda, Olalla Liñares, Xosé María Varela, Ana Casais e Domingo Blanco. Este último incorpórase en substitución de Xosé Manuel Varela, que non poderá asistir.
Fases I e II do certame. Con 14 regueifeiro/as participantes, crearanse sete parellas para regueifar. Na primeira fase, o xurado deberá elixir 10 persoas. Crearanse logo con elas cinco parellas, volverán regueifar, e o xurado elixirá a 6 persoas.
Fases III e IV do certame. As 6 persoas elixidas conformarán tres parellas, que volverán regueifar. Destas 6, o xurado deberá elixir unicamente a 3 persoas, que improvisarán a continuación coplas individuais. Das tres, o xurado elixirá 2 persoas.
Recoñecementos durante o tempo de valoración. Antes de coñecerse o veredicto final, a organización concederá o recoñecemento Valedor ou Valedora da Regueifa. Tamén se entregarán diplomas ao alumnado das Escolas e aos participantes no concurso antes da final.
A votación do público: a última palabra. Coma o ano pasado, o público será o encargado de elixir quen gaña entre as dúas persoas chegadas á final destes Premios. Logo de escoitar a súa regueifa, emitirán o seu voto mediante un sistema de cartolinas de cores.
Fin de festa: Coraçao Minhoto. Liliana Oliveira e Simão Marques animarán a gala. Os 14 regueifeiros: Nuria Penas, Cristian Gómez, Xairo d’Herbón, Alba María, Alberto Liñares, Carme de Lonxe, Mani Braga, Kike Estévez, Bieito Lobariñas, Yéssica Nantón, Óscar García, Antonio de Xornes, Lupe Blanco e Suso de Xornes.