A actualidade, con retranca: «Vamos rir que é bonito, que alegría fainos falta...»

Nova entrega da regueifa semana a cargo da coristanquesa Lupe Blanco


Vou empezar a regueifa

sen dicir barbaridade

que esta semana foi boa

chea de festividade.

Foi o día 25

aínda que algún non o crea

é a festa dos galegos

día da Matria Galega.

Vamos ir coas noticias

que vai ser moito mellor

vexo que hai algún colexio

que lle falla o comedor.

Non fallan as empregadas

que elas si que traballan

nin tampouco os proveedores

só fallan os que pagan.

Van ter que soltar o carto

e ter as facturas ao día

que en cuestión de pouco tempo

xa lle ven outra enriba.

A que si lle veu enriba

e que armou moito follón

foi a eses de Cerceda

co do viño de cartón.

Cobraban o viño caro

así facían bo trato

rellenaban as botellas

co Coes do máis barato.

Unha cousa estache clara

iso seino abofé

cobrábanche unha botella

como comprar un palé.

Os que si que se cabrearon

iso si que ben o creo

foi coas carreiras de Razo

os da casa do Concello.

Puxeron bandas rugosas

colocaron estes días

agora xa non hai trampas

acabouse a tontería.

Vamos rir que é bonito

que alegría fainos falta

hoxe vai vir a Seivane

que nos vai tocar a gaita.

Eu xa dou a despedida

que o paso aquí moi ben

mándovos paló un saúdo

ata a semana que vén.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

A actualidade, con retranca: «Vamos rir que é bonito, que alegría fainos falta...»