«O meu centro vital sempre será Galicia»


Matalobos supuxo o seu gran salto á popularidade, pero Luís Iglesia B xa é un actor curtido e polifacético.

-Aparte do teatro e da televisión tamén fai dobraxe. ¿En que medio se sinte máis cómodo?

-Iso depende máis que nada do proxecto. Á dobraxe estoulle moi agradecido porque foi a miña escola e deume a posibilidade de dedicarme ao que máis me gusta na vida, que é a interpretación. Hai 26 anos en Galicia non había escolas nin practicamente ningunha saída profesional para ser actor. A única era a dobraxe, que me acolleu e nela aprendín todo o que sei, ou unha moi boa parte dilo, e dos mellores do mundo. Tocoume dobrar desde Robert Redford a Robert de Niro, Paul Newman, Mel Gibson... centos de actores de primeira liña, e son os mellores mestres que un pode ter.

-¿Destacaría a algún deles?

-Non son nada mitómano, pero hai un ao que lle quero moito. Ao mellor hai outros que me gustan incluso máis interpretando, pero a min este tío caíame tan ben: Paul Newman. Non o coñecín persoalmente, pero as cousas que teño lido del e a súa elegancia interpretativa fan que sexa o que me gusta máis.

-Tamén traballou en series no eido estatal. ¿É máis doado dar o salto agora que hai uns anos?

-Eu nunca pensei na idea esa de dar o salto porque eu, como xa teño dito, non son un actor galego son un galego actor. Eu estaría encantado de ir traballar a Kuwait, que seguro que ademais pagan moi ben alá, pero o meu centro vital sempre será a casa e na medida en que poida quero vivir, e vivir profesionalmente, en Galicia. Aínda que si é certo que agora mesmo hai moitos actores galegos que teñen a súa base de operacións en Madrid e que traballan habitualmente alí. Eu creo que o secreto está en que aquí en moi poucos anos puxémonos as pilas moito, fíxose ficción de moi alto nivel con moi poucos medios. Os actores e actrices galegos somos moi competitivos, temos moito oficio, moita profesión, e por iso é normal que te chamen de fóra.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos

«O meu centro vital sempre será Galicia»