In memoriam

NOVOS TEMPOS


CANDO A historia de Ramón Sampedro comezou a saír nos medios de comunicación espertou moitísimo interese, tanto aquí como fóra do país. A enteireza con que expoñía a súa maneira de entender a vida, e o pouco sentido que podía ter en determinadas circunstancias, chamaba enormemente a atención. Houbo xente á que lle rompeu moitos esquemas. Non entendían como un home «da aldea» podía dicir esas cousas, cando só cabería agardar del un pensamento conservador ou que fora á misa os domingos e festas de gardar.Inmanuel Kant, un filósofo alemán do século XVIII, non saíu da súa vila, Koënisberg. Pero lía moito, e tiña grandes conversas cos mariñeiros que chegaban a porto. Ramón Sampedro viaxou de mozo. Tras o fatal accidente seguiu a facelo a través do mundo dos libros, ese inmenso océano. Tamén o fixo escoitando a todos aqueles e aquelas que acudían a visitalo. Estando polo mundo adiante, era un orgullo poder falarlle aos meus alumnos e alumnas dunha persoa como Ramón Sampedro. Para Ernesto Chao seguro que foi un honor poder representar a súa historia. O inmenso acerto de Amenábar e o seu gran labor en Mar adentro non debe facernos esquecer que xa en 1999 a produtora Continental TV e Euroficcións SL recrearon a vida de Sampedro en Condenado a vivir . Dirixida por Roberto Bodegas, rodouse en decembro do 1999 e mostrou ao mundo paraxes de Caión, Barrañán e Maicela. Posteriormente foi nominada pola Forta como a súa representante para os premios Emmy (os Oscar do mundo da televisión). Outra ocasión máis na que a nosa comarca se deu a coñecer mundo adiante.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos

In memoriam